DESTANA ŞÊX SEÎD

Cenga Şêx Seîd bo Welat

Ji serhedê heta xelat

Bi Tekbîr û Nimêj, Selat

Dengê cengê çû Rojhelat

Şoreş jê re wek Cejn û Îd

Zagon bi Qur'an a Mecîd

Di xwend Qur'an Şêxê cedîd

Şoreşgerê xwedyê murîd

Şêxê min tu gelek berz î

Di dilan ra kirin derzî

Dil û cergên me derizîn

Wek şûjina li dest terzî

DESTANA ÎHSAN NÛRÎ PAŞA

Ta ku Zîlan hêlîna kul, xeman be

Van kul û birînê me bêderman be

Heta zalim li serê me ferman be

Biratiya me û romê çê nabe !

ZİMANÊ KURDÎ

Neyar di xwazin ji holê rakin

Hûn jî hewl bidin berbesta rakin

Bi zimanê kurdî gişt qise bikin

Pêwîste gelê me ji bîra nekin

QENC Û ZANA

Nema qedrê qenc û zana

Rabin em herin dîwana

Sual bikin ji wijdana?

Çi 'îbret e di 'amê da!

Nezan ket in dewsa zana

Wek pezê tu bîne dana

Mexel bûne l'gom û xana

Ya Reb bîne merhametê

MİRİN DOR Bİ DORE

Ferman tê ji Şahê qudret Rebbê jor e

Mineta mirinê nîne, mirin dor bi dor e

Bi çardarê dibin qebrê qor bi qor e

Lê 'ezabê qebrê 'ezabek zehf zêde zor e

Kesê ku nizanibe! Welahî wekî kor e

Cihêlek pir erzan e, nezan e, ne pispor e

Ji 'Îlm para xwe negirt! hîna jî ew bêpar e

Lê kesê ku dizane, ew Hekîm e, Tixtor e

ÇİMA KİRİM VÎ HALÎ?

Dilê mi’b kul e ji ax û waxa

Min gulekî dît li nava kaxa

Kir im mêvan li mal û qonaxa

Dilê’m şewitand û da ber daxa

DİLŞİKESTÎ CEBARNABİN

Dilşikestî Cebar Nabin

Li gerdûnê bêwar nabin

Hetanî gerdûn ava be

Ji we ra dost û yar nabin

Sirûda Wêje û Azadiyê

Me wenda kir Şêx û Mela

Wêjemendên koma gela

Nesla temîz li me qela

Îro êdî rabû xela....

XAYÎNE FELEK

Çi bikim xayîn e felek

Derdê me pirr zehf û gelek

Çar hêlên me bûnin xelek

Keştî çûne man in kelek

SONDA ME

Karwanên azadî yê

Wê bînin rizgarî yê

Doza Şehîd bernadin

Hetanî azadî yê

Me soz daye Şehîdan

Bernadin em vê riyê

Me sondxwarî bi Qar'an

Ta azad kin Kurdistan

BARÊ GİRAN

Me girtî barê giran

Vê zilma hanê çîye?

Me roj bi roj dikujin

Van sewalên har kîye?

AX WELATO

Ax welato tu bindestî

Di binê zilma sed sala

Te dil û cerg hemû bestî

Bi derd û kul û xeyala

BOXE YÊ DANEK

Bibe boxeyê danek

Nebe çêleka salek!

Bila emrê te kin be

Nejî sed û yek salek

Tu tê gerdûnê carek

Li pey xwe bihêl navek

Eger tu bibe çêlek!

Nake bi qirş û qalek

Çêleka ku qûn bi rêx

Xerab dike garanek

Mirovekî bêrûmet

Xerab dike bajarek

Ji te’r dibêm çend gotin

Wek çêlekê ney’ dotin

Guhdêr be li dengê min

Ev şîret e, min gotin.

Lê mirovek birûmet

Ava dike welatek

Wî heye qedr û qîmet

Mitleq digre xelatek

Bibe boxeyê rojek

Nebe çêleka salek!

Ji ber ku tu dimirî

Nayê gerdûnê carek

GOTİNÊN E. Mûşî

Kî dûr be ji fisqk û ficûrê

Ew Nûr e, ji hizûrê!

Kî dûr be ji 'ewana!

Ew dibe Mîrê dîwana

Ebdurehîmê Mûşî